Kinsa Ni Siya?

Siya ang akong Papa
Virgilio ang pangalan niya
Mapinangga-on ni siya namo’ng managsu-ona
Ilabi na gayod sa among Mama

Manggihatagon kaayo ni siya, sobra
Ug maluluy-on pa
Bisag kinsa’ng paryente niya dad-on sa amoa
Kay gusto niya makatabang kanila
Daw bisan sa ginagmay makapaambit siya

Papa’s girl pod ko sa-una
Mao nang sombongera pod ko niya
Kay magpalaban gayud dayon sa Papa

Pulis ni siya sa-una
Kung adunay mangaway nako sa gamay pa
Mao gayud dayon ni ako’ng pang hadlok kanila
“Ayaw ko’g awaya kay pulis raba ako’ng Papa”

Adlaw’ng natawhan niya karo’ng adlawa
61 na ang edad niya
Apan karon sa minteryo na namo siya mabisita
Halaran ug mga buwak, kandila, ug ampo-an pa

Tungod kay 20 ka tu-ig naman nga wala na siya
Mao ng kami tanan gimingaw na kaayo niya

Malipayong adlwang natawhan nalang sa among pinalangga nga Papa
Gihigugma ka kanamo bisan sa-una pa
Ug daghan kaayong salamat sa imong kaayo, Pa

Hina-ot nga nagmalinawon ra ka
Kay kami nakadawat na
Nga dugay naka nga wala niining kalibutana..

Advertisements

Su-od nga Higala

Ila-ilaha ang suod nako’ng higala
Djanil ang pangalan niya
Adlawng natawhan niya karo’ng adlawa
Wa’ ko masayod ug unsay handa kay wa man ko imbitara
Bitaw, komedya ra

Ka-uban mi sa trabaho sa-una
Ngadto sa dapit nga halayo mi sa among pamilya
Alegri ra man pod mi ni-adtong mga panahona
Kay daghan man pod mi didto’g mga su-od nga higala
Nga mura na pod namo’ng pamilya

Buotan ug kugihan ni siya’ng bataa
Mang-gihatagon ug matinabangon pa
Lambing kaayo sa iyang mga amiga,
Matod pa sa su-od pod namo nga higala

Lingaw pod ni siya ika istorya
Mag sige nalang mi ug pangatawa
Hilig niya mo sayaw ug mo kiay-kiay pa

Kumusta naka Inday Djanil ko’ng amiga?
Dugay na nga wala nato ig kita ang usag-usa
Panahon pa sa imong kasal ang last nato’ng panag tsika

Malipayong adlwang natawhan kanimo akong higala
Makadawat pa unta ka’g daghang grasya
Ug ang edad mapun-an pa
Hina-ot nga sa kanunay magmalambo-on ug magmalipayon ka
Kauban sa imong pamilya
Ilabi na karong adlawa
Nga daghang pakal karon sa inyoha
Asta inyong silingan mag abiba

Artista Nga Mama

Adlawng natawhan karon sa among Mama
Nga mura ug artista
Kay ang iyang pangalan mao si Lorna

Mapinangga-on ni siya nga pagka Mama
Matinabangon ug mang gihatagon pa
Ilabi na nga lola na siya
Ang mga apo dili pod magmahay niya

Daghan ni siya ug mga higala
Kay lagi sobra ka relehiyosa
Kung dili ka niya kaila,
Ayaw pag bugal-bugal kay basin mapa-akan ka
Greet nalang para mo pahiyom siya

Malipayong adlawng natawhan kanimo, Ma
Gikan kanamo’ng tanan nga gi pangga ka
Hina-ot nga daghan pakag madawat nga grasya,
Ug mapun-an pa imong daghan nga kwarta
Ilabi na ang edad para maka selebrar pa ta
Sa makadaghang higayon pa

Taga Syudad Sa-una

Gimingaw nako sa SM, ilabi na sa Ayala
Dugay nako nga wala maka rampa
Sukad nga nagpuyo nako sa probinsya

Dugay ko nagpuyo sa Syudad sa-una
Apan wala lang damha
Nakabalhin mi diri sa Compostela

Ang daghang tinda, ug pagkaon ang gimingawan nako sa Ayala
Ilabi na ug magkuyog mi sa akong mama
Makakaon ko bisag unsa
Tungod kay libre man niya

Alegre pud ug adunay mga artista nga mo bisita
Makasyagit ug maka ambak-ambak ka pa

Halos kada adlaw ko didto mag rampa
Kay makig kita sa akong mga amiga
Ug may bisnes transaksyon pa

Permi pud mi mag date didto sa akong bana
Labi na gayud ig ting sweldo niya
Foodtrip pud ang hilig namong duha
Dayon mag suroy-suroy nga naka holding-hands pa

Apan karon nga ani-a nako sa probinsya
Taud-taud nako nga wala didto maka bisita
Kmusta na kaha tong lugara?
December 1 na raba

Bibo na didto karong mga taknaa
Kay nisamot ka daghan ang tinda
Kay ang pasko nagsingabot na

Ug daghan nang mag sige ug rampa
Ang uban nag panic buying na
Kay nakadawat nag daghang kwarta
Aw, diay basin sunod simana pa

Pero sa pag rampa sa SM o Ayala
Ang umaabot nga kwarta
Gi tagan-an na

Bag-ong Higala

Usa ka lalaki siya
Namili siya sa akong tinda
Ug taud-taud ni tudlo na siya
Chicheria ang gusto niyang ma-iyaha

Ug sa ma-ikaduha ni tudlo napud cya
Kape, asukar, ug kendi napud ang gusto niya

Sa akong pagpangutana wala ako niya tagda
Ni tunol lang siya sa iyang kwarta

Kay lagi ako nahingangha
Ako siyang gi usab ug pangutana
Sa ma-ikaduha wala gihapon ko niya tubaga

Ug kay ako napul-an na
Gi hatag ko nalang ang sobra sa iyang kwarta
Dayon nilakaw siya nga nipahiyom pa

Naglibog ko kung ako ba mo smile pud niya
Ako naka pangutana
Ug ngano diay to siya?
Abi nako wala siya maka-uyon sa tindera

Ug diay dili gayud to siya mo istorya
Bisan pag balibalihon nimo siyag pangutana
Kay diay, amang man siya
Nyahaha..

Ug sa pagbalik niya, ako naka pangandam na
Wala lang niya damha nga gi praktisan ko na
Ang mga aksyon para dili nako maglibog pa

Siya ang bag-o nakong higala
Ug karon suki ko na

Ang Tinda Sa Akong Amiga

Aduna akoy amiga
Arle ang pangalan niya
Kauban mig trabaho sa una

Daghan pud ni siya ug kwarta
Kay kusog man lagi maninda
Chicharon iyang tirada
Tabang siyag himu sa iyang mama

NELLY’S SPECIAL CHICHARITOS ang label sa iyang tinda

Lami-an kaayo ni siya ug Toledo’s Best pa
Sakto sa timpla ug kagumkom pa

Dugay nakong nakatilaw aning chicharona
Kani-adto nga gi bisita ko siya sa ilaha

Gi namnam gyud nako kining iyang tinda
Kay lagi lami-an kaayo, labi na ug ilibre niya
Kung mingawon ko sa iyang tinda
Iyaha gayud dayon kong padalhan, ipa-package pa
Ingon ana ni ka manggihatagon akong amiga
Iyaha kang busgon ug manug-ab ka pa

Kani-adto nga  walay pa koy kwarta
Gitagaan intawon ko niya
Para makaabot lang ko sa amoa
Sosyalan kining akong amiga

Kung gusto nakang maka tilaw sa lami-an niyang tinda
Hala! pag tawag sa numero karon na!
Pag order sa chicharon haron dili naka mag laway pa
Pwede rapod nimo ipanghatag sa imong mga higala
Pilia lang tong dili kaayo dagko ug nga-nga nimong mga amiga

Sa pag order nimo mo bayad naka ha..
Ayaw ug damha nga pati ikaw librehon sa akong amiga
Kay kami ray manag-kaila

Pag order namo mga higala

NELLY’S SPECIAL CHICHARITOS
Contact #: 09167101616

Ordinary – P25
Special  – P50

Walo Ka Butang Nga Dapat Nimong Pagabuhaton Kung Adunay Bagyo (8 Things You Must Do During Typhoon)

Ang bagyong Queenie mao ang natagamtam nato karon
Sugod pa sa sayong kabuntagon
Diri sa Sugbo ug sa uban pang dapit nga imong nahimutangan karon
Samtang nag muni-muni sa mabugnaw nga panahon,

Ani-a, basaha kini para imong damhon
Ug ipuno sa kaalam matag unya ug karon
Pangandaman ta ang bagyo aron dili kita paliron

Mag unsa nalang unya ang hinigugma mong hambugeroon
Kung ikaw mo panaw man diay karon

Simbako pud intawon

Ug mao kini ang imong angay nga basahon
Ayaw sigeg katawa, mura kag dili bakakon

1. MAG SIGE UG KAON – tungod kay ikaw walay pagabuhaton mag sige nalang ug kuri-kuri hangtod nga ikaw gutomon. Champorado ang lami nimong kaonon karon.

2. MAG SIGE UG PANGIHI – sa kabugnaw sa panahon, tan-awn ko lang ug dili ba ka mag ihi-ihi.

3. MAG SIGE UG INOM UG TUBIG – kay nag sige ka man ug pangihi natural lang nga sa tubig ikaw mag panglingi.

4. MAG SIGE UG PASO-PASO – kay sa balay ikaw gilaay, hala! pasinawa ang salog sa sige nimo ug kiay-kiay.

5. MAG SIGE UG TAN-AW UG SALIDA – kay gikapoy ka naman ug rampa, hala! pag tagbaw ug tan.aw ug salida. “Movie marathon” kung sa iningles pa.

6. HILAK-HILAK  TIRADA – kay ikaw ba wala nay kwarta? O gibuwagan ba sa imong hinigugma? O di ba kaha may utang nga wala mabayran pa.

7. MAG INTERNET SAD PANAGSA – kay mag blog aron makakwarta o magdula ba kaha ug crossfire o dota.

8. MAG TIKOKO SA LANTAY PWEDE PA – kay ang katugnaw dili na maagwanta. Habol ug medyas ipagawas na.

Ug husto na mga higala. Ayaw na pangita ug lain pa kay ang mga hugason ko sa kusina nag tipun-ug na.